الرئيسية » » عيش بطبيعتك | هشام إبراهيم

عيش بطبيعتك | هشام إبراهيم

Written By هشام الصباحي on الجمعة، 10 يوليو 2015 | 6:30 م

عيش بطبيعتك
متحورش
قول احساسك
من غير ألش
حط كل حد ف حجمه
ومتأفورش
نزل راسك
تحت الدش
اغسل همك
نضف حلمك
ووقت الجد
متهزرش
ووقت هزارك
متكشرش
جت افراحك
ولا مجتش
دنيا اخرها
شبه اولها
كلها هتش
دور ع اللي
يفرح قلبك
وابعد عن اللي
ما بيفرحش
يومين عايشينهم
مش ناقصينهم
يقلبو هم
وغم وغش
شمر رجلك
شوط هات حلمك
قبل ما يخلص
عم الماتش...!!!
************
هشام ابراهيم
10/7/2015
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.