قلبي مش للإيجار -
باتكلم جد و مش هزار
قلبي أنا مش للإيجار
قلبي الكبير محتاج لحضن
يِدفّى فيه طول النهار
.. ظلم الحياه
وصّللي عقلي لمُنتهاه
خلانى بافقد لاتجاه
و محتاجة لإعادة مسار
مش عاوزة قلب يكون طيّار
يهجرنى حبة
و اشتاقله حبة
يتعبنى من طول لانتظار
قلبي البرئ محتاج صديق
محتاج لحد يكون قريب
يكون دواه و يكون طبيب
يقلب سواد الكون خَضَار
قلبي أنا محتاج حنان
محتاج يحس بالأمان
و كفاية شفت من الزمان
و حقيقي كان زمان غدار
قلبي خلاص
مابقاش متحمل للجراح
طول عمره كان للكون براح
كان بيرغويط مالهوش قرار
قلبي يا ناس .. دا من الأساس
طول عمره كان عايش فِ نار
كان شارب العذاب فِ كاس
و ياما داق طعم المرار
آن الأوان يرجع يشوف ضى النهار
يشعر بلذة لانتصار
يرجع يطيب بادين حبيب
و يكونله دير و يكونله دار
