الرئيسية » » موت بقى من الحب | هشام أحمد جودة

موت بقى من الحب | هشام أحمد جودة

Written By Unknown on السبت، 13 سبتمبر 2014 | 3:23 ص




موت بقى من الحب
 هشام أحمد جودة


موت بقى من الحب ..
والغيرة والاشواق ..
ومتشتكيش يا قلب ..
م العذاب والفراق ..
وحشك طعم الدموع ..
والاحزان والالم ..
عايز تعيش تاني ..
الاوهام والندم ..
وكل ما اسال ليه ؟
عايز تعود تاني ..
تقولي غصب عني
اشواقي واخداني ..


شكلك نويت خلاص ..
تعاندني وتروح ..
اوعى تجيلي في يوم ..
مكسور ومجروح ..
تبكي بدمع العين ..
ع اللي باع او خان ..
اللي كواك بالنار ..
وحبك عليه هان ..

ويكون كمان في علمك ..
المرة دي إنتحار ..
وليل طويل فـ اخره ..
مبيطلعش النهار ..
بكرة تعدي السنين ..
وتقولي " عندك حق "
" رجعت تاني حزين " ..
" و يا ريتني قولت .. لأ "

بقلمي : هشام احمد جودة
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.